குட்டி - ஓர் அ(ல)சல் பார்வை....

பொதுவாக குட்டி என்னும் சொல்லானது தனியாக உபயோகப்படுத்தும்பொழுது இரண்டு விதமாக பொருள் தரும்.
ஒன்று : சிறிய அல்லது சின்ன என்று பொருள் தரும். இரண்டாவதாக (குறிப்பாக) அழகும் வனப்பும் உள்ள பெண்களை பெண்களுக்கு தெரியாமல் (தெரிஞ்சா செருப்படி கிடைக்கும்) குறிப்பிடவும் பயன்படுத்தப்படுகிறது. குறிப்பாக பள்ளி கல்லூரிகளுக்கு செல்லும் பெண்களை குறிப்பிட பயன்படுகிறது. மேலும் வயதும் வாலிபமும் உள்ள இளைஞர் கூட்டம் பெண்களை சைட் அடிக்கும் பொது இந்த சொல்லை உபயோகப்படுத்துவார்கள், உதாரணமாக "மச்சி, குட்டி சும்மா கும்முன்னு இருக்குல்ல" என்றும் "குட்டி நச்" என்றும் குறிப்பிடபடுவதுண்டு. ஆனால் பட்டணங்களில் இருக்கும் பெரியோர்கள் இவ்வாறு சொல்வது நாகரிகம் இல்லை என்று கருதியோ இல்லை வேறு சில காரணம் கருதியோ அவ்வாறு பெண்களை வெளிப்படையாக கூறுவதில்லை...ஆனால் கிராமத்தில் இச்சொல்லானது எல்லோராலும் பயன்படுத்தபடுகிறது.... இதை பற்றி இளைஞர் களிடம் கேட்ட பொது... அவர்கள்.. குட்டி என்ற சொல்லானது பெரியோர்கள் மற்றும் பெரியோர்கள் போர்வையில் நடிப்பவர்களால் வேண்டும் என்றே ஒதுக்கபடுவதாகவும் அதானல் வளரும் தலைமுறையினர் இந்த சொல்லை அடுத்த, வருங்கால சந்ததியினருக்கு எடுத்து செல்ல வேண்டியே உபயோகப்படுத்துவதாக கூறுகின்றனர். மற்றபடி பெண்களை ஓட்ட வேண்டும் என்ற எண்ணம் கடுகளவும் கிடையாது என்றும் ஆணித்தரமாக அடித்து கூறுகின்றனர்.

மேலும் குட்டி என்ற சொல்லை மற்ற சொற்களோடு உபயோகப்படுத்தும் பொது பல சமயங்களில் பல பொருளை தருகிறது..
அதாவது உயர்வாகம் சில இழிவாக கூறவும் பயன்படுகிறது... அதோடு நில்லாமல் குட்டி என்ற இந்த சொல்லானது "பால" பருவத்தை குறிக்கவும் பயன்படிகிறது... புலியின் குட்டியை புலிக்குட்டி என்றும் பூனையின் குட்டியை பூனைக்குட்டி என்றும் யானையின் குட்டியை யானைக்குட்டி என்றும் பண்டைய தமிழர்களால் முன்மொழியப்பட்டு இன்றும் அவ்வாறே வழிமொளியப்படுகிறது... என்றாலும் கன்றுகுட்டி என்பது கன்றின் குட்டி என்று பொருள் படாமல் பசுவின் கன்று என்று பொருள் படுகிறது... இது குட்டி என்ற சொல்லின் overloading என்றே கருத வேண்டும்..
இழிவாக ஒருவரை திட்ட வேண்டும் என்றாலும் இந்த குட்டி என்ற சொல் மக்களுக்கு பெரும் உதவி புரிகிறது... குறிப்பாக "குட்டி சுவராத்தாண்ட போவ" என்பதில் குட்டி என்பது சுவருக்கு முன்னால் வருகிறது... பல சமயங்களில் நாம் இந்த வார்த்தையில் வரும் குட்டியை கவனிக்க மறந்து இருப்போம் அதற்க்கு காரணம் குட்டி யானது சுவருக்கு முன்னே வருவதால் சுவர் நம் கண்களில் இருந்து குட்டி யை மறைத்து குட்டிக்கு பெரும் கேடு விளைவிக்கிறது... அதனாலேயே குட்டி யானது சுவருக்கு கேட்ட பெயரை தருகிறது. மேலும் இது "குட்டி சாத்தான்" என்றும் "குட்டி பிசாசு" என்றும் பிறரை திட்ட பயன்படுகிறது...

நாம் இலக்கியத்தை உற்று நோக்கினால் புலவர்களின் பேரில் கூட குட்டி என்பது இருந்திருப்பது உள்ளங்கை நெல்லிக்கனி போல துல்லியமாக தெரிகிறது... எடுத்துக்காட்டாக முத்துக்"குட்டி" புலவர். மேலும் இந்த சொல்லை "பழமொழி" யிலும் கூறி இருக்கிறார்கள்.. இது " கழுதை கெட்டா குட்டி சுவர் ' என்பதிலிருந்து விளங்கும்... பழன்காலத்தொடு நின்று விடாமல் சமகால கவிஞர்கள் இல்லை அது போல கருதப்படுபவர்களாலும் குட்டி என்ற சொல்லை நிராகரிக்க முடியவில்லை என்பதை பல திரைப்படங்களில் இருந்து நாம் கண்டு கொள்ளலாம்.....

இவ்வாறு தனிசிறப்போடு விளங்கும் இந்த குட்டியை ஆங்கில மொழி (அக்கொயர்) தனதாகிகொள்ள பெரும் முயற்சி நடப்பது இந்த வாக்கியத்திலிருந்து உறுதியாகிறது... பொதுவாக அவர்கள் "நல்ல தேநீரை" குட் டி என்று கூறுவார்கள். பின்பு அதையே குட்டி என்றும் உபயோகப்படுத்த வாய்ப்பு உள்ளதால் குட்டியின் தனித்தன்மையை காக்க சட்ட சபையில் ஒருமனதாக தீர்மானம் நிறைவேற்ற வேண்டும் என்பதே தமிழ் ஆர்வலர்களின் கோரிக்கை..

ஆகவே குட்டியை வாழ வைப்போம்.... வாழ்க குட்டி...

வேட்டைக்காரனுக்கு சாதகமான சில விஷயங்கள்....

ஊரு பக்கம் வேடிக்கையா சொலுவாய்ங்க..
காட்றவய்ங்க காத காட்டினா ஊசியில குத்துறதுக்கு பதிலா உலக்கயில குத்துவாய்ங்கலாம்... ஆனா வேட்டைக்காரன் உலக்கை மாதிரியும் தெரியல... உலக்கைய விட பெருசு...இப்படி எல்லாம் பின்னால நடக்குமுன்னு தெரிஞ்சு தானோ என்னவோ ஆண்டவன் படைக்கும் போதே ரெண்டு கதையும் ரெண்டு கண்ணையும் படைச்சிருக்காரு... நன்றி கடவுளே......
ஆனா ஒண்ணு... கட்டாயம் 100 நாள் ஓட்டிருவாய்ங்க (சிட்டி ல இல்லைனாலும் ஊரு பக்கம் கண்டிப்பா)... சொல்ல முடியாது தமிழ் நாடு அரசின் சிறந்த படத்துக்கான விருதும் கிடைக்கலாம்(கமல், ரஜினி படம் எதுவும் வல்லேன்னா..)

வேட்டைக்காரனுக்கு சாதகமான சில விஷயங்கள்....


1. சொல்லிக்கிற மாதிரி வேற எந்த தமிழ் படமும் வெளியாகல...
2. காதே கிழியிற மாதிரி விளம்பரம்...(பாதி பேரு இவய்ங்க விளம்பரத்துக்கு பயந்தே TV பாக்கமாட்டேன்கிறாய்ங்க )
3 எப்படியோ பாட்டு எல்லாம் ஹிட் ஆகிபோச்சு..அதுக்காகவே கொஞ்சம் பேர் பாப்பாய்ங்க
4 அப்பறம் நம்ம அனுஷ்கா
5 பண்டிகை காலம்.. கிறிஸ்துமஸ் க்கும் எதிர்பார்க்குற அளவுக்கு எந்த படமும் இல்ல... கட்டாயம் மக்களுக்கு வேற ஆப்சன் இல்ல...(எப்படி எல்லாம் விதி விளையாடுது)
6 புது வருஷம்...
7 பரீட்சை விடுமுறை
8 மருத்துவரின் விசிறிகள்...(கழுதை தேஞ்சு கட்ட எறும்பா ஆகாம இருந்தா சரி )
9 மருத்துவர் படம் ஓடுறதுக்காக ஊரு ஊரா திரைஅரங்குக்கு போறாராம் ஆதரவு திரட்ட..( யாரும் கண்டிப்பா பிரஸ் மீட் வைக்காதிங்கப்பா... அப்பறம் அது வேட்டைகாரனை விட பயங்கரமா ஓடி இந்த சாதனைய முறியடிச்சுடும்..)
10 அப்பறம் இந்த மாதிரி விமர்சனம் எழுத... (சொந்த செலவுல பொய் சூனியம் வச்சுகிறது..)

சரி நடந்தது நடந்து போச்சு... இனிமேவாவது நடிக்க முயற்சி செய்ங்க மருத்துவரே... பாவம் உங்கள இட்டி சென்னை ல உள்ள ரவுடி எல்லாம் திருந்திட்டாய்ங்கலாம்.. எதுக்குனா இனிமேலும் நீங்க ஊர்ல இருந்து குதிரை புடிச்சு வந்து அவங்கள திருத்தக்கூடாதுன்னு மானசீகமா முடிவெடுத்து இருக்காய்ங்களாம். வேற கதைல நடிக்கனும்னு (அட்லீஸ்ட் முயற்சி பண்ணுங்க..) ஒரு பேராசை தான் அப்படின்னு ரவடி கள் சங்கத்தில இருந்து அறிக்கை விட்டுருக்காய்ங்கன்னு ஒரு கேள்வி...

பாத்து சூதானமா இருந்துகிருங்கப்பூ.....

மாபெரும் சந்தேகம்....

எனக்கொரு மாபெரும் சந்தேகம் வந்திருக்கு.... தீர்த்தவுகளுக்கு எந்திரன் படம் எடுத்த வரை உள்ள டி.வி.டி அனுப்பப்படும்...தீர்க்க முடியாதவர்களுக்கு விஜய் நடித்த வில்லு டி.வி.டி அனுப்பப்படும்...

வகுத்துக்கு வஞ்சனை இல்லாம ரெண்டு அன் லிமிடெட் மீல்ஸ் ச உள்ள தள்ளி விட்டுட்டு அந்த மயக்கம் வர்ர மதியான நேரத்துல... ஒரு மின்னஞ்சல் வந்தது டீம் மேட்கிட்ட இருந்து.. வடக்க சூலம்ங்கறது தேதி படத்துல போட்டு இருந்ததது சரிதான்.... அது என்னன்னா.. அந்த பொண்ணு பிரசவ விடுப்புல ஊருக்கு போகுதுன்னு... சரி இதுல என்ன பிரச்சனை அப்படின்னு நினைக்க கூடாது... இங்கதான் பிரச்சினையே...

சரி நம்ம மேலயும் மானா வாரியா மரியாதை வச்சு அதுவும் தனியா மெயில் அனுப்பி இருக்கு... கட்டாயம் வாழ்த்து சொல்லி மெயில் அனுப்பலாம்னா எப்படி வாழ்த்து சொல்றதுன்னே தெரியல.... திருப்பி போட்ட கரப்பான் பூச்சி மாதிரி அப்படியே துடிச்சு போயிட்டேன்... சரி யாரவது பீட்டர் ல பிருச்சு மேயிறவங்கள்கிட்ட கேட்கலாம்னு நினைக்கும் பொது.. கும்புட போன தெய்வம் குறுக்க வந்தது மாதிரி நம்ப கூட்டாளி ஒர்த்தர் (worth + அர் ) வந்தாரு.. மொக்க போடத்தான்... அவருகிட்ட கேட்டேன்... அவரு என்னமோ ஏழு எட்டு ரோடு ரோலர ஒன்ன முழுங்குன மாதிரி பேந்த பேந்த முழிச்சாரு...
சரி வேலைக்கு ஆகாதுன்னு.... ரெண்டு பேரும் தலை கீழ யோசிச்சு பாத்தோம்.... ஒன்னும் வேலைக்கு ஆகல... சரி அதான் எல்லாத்துக்குமே பொத்தம் பொதுவா சொல்லற ஆல் தி பெஸ்ட் சொல்லலாம்னு யோசிச்சோம்... ஆனா அது ரெம்ப பொதுவானதா இருக்கவும்... சரி have a safe delivery சொல்லலாம் ன்னு முடிவெடுத்தோம்.. அப்பறம் அதையும் பல இடங்கள்ள வெட்டி ஒட்டி கடைசியா pray GOD to have a safe delivery அப்படின்னு ஒருமனதா தீர்மானம் பண்ணி, அந்த பொண்ணு இத படிக்கும் போது எதுவும் தப்பா புரிஞ்சுக்க கூடாதுன்னு கொலசாமிய கோடி தடவ கும்பிட்டுட்டு கண்ணா மூடிக்கிட்டு சென்ட் கிளிக்கினேன்....

வேற எப்படி வாழ்த்து சொல்லலாமுன்னு சொல்லி சந்தேகத்த தீர்த்து வைங்க...

ஓடு ஓடு அது வந்துருச்சு.....

ஏன்டா டவுசரு...... ஏன்டா ஆம்பள பொம்பள அத்தன பெரும் இப்படி தலை தெறிக்க ஓடுறாய்ங்க...
எவனோ அள்ளி விட்டான்னு ஒருத்தன் பதிவு எழுத இருக்கானாம்... அதான் உயிர் மேல ஆசை இருக்கவய்ங்க எல்லாம் ஓடுறாய்ங்க...
விடுறா...விடுறா... காச்ச மரம் தானே கல்லடி படும்...
இதெல்லாம் ஓவரா தெரியலையா உனக்கே....
சரி விடு.... என்னதான் எழுதிரான்னு பாப்போம்....
என்னத்த ஆப்போம்... ஆவூன்னா எல்லாரும்.... சரி விடு...
கொக்க மொக்க முடிஞ்சா உயிர் வாழுங்க...

சரி வந்ததுக்கு ஒரு மொக்கை...
நம்ம கூட்டாளி ஒரு ஆளு அவரோட சிட்டுக்குருவி ல அதான்ப எதோ டிவிட்டரா மே அதுல ஆறாவது அறிவு தொழில்நுட்பம் அப்படின்னு ஒரு தொடர்பு கொடுத்திருந்தான்...
சரி இத்துப்போன துணிக்கு ஒட்டு தானே போட்டுக்கிட்டு இருக்கோம், அதுல என்ன தான் இருக்குன்னு பாத்தேன்... எதோ மாயஜால படுத்துல வர மாதிரி ஏதோதோ செஞ்சாரு பிரணவ் அப்படிங்கறவரு... பாத்தா கையில கம்ப்யூட்டர் வருது... விரல்ல வித்தை காமிக்கிறாரு, நமக்கும் இந்த தொழில்நுட்பத்துக்கும் ஒரு 1500 கி மீ தூரம், அதுனால நீங்களே போய் பாருங்க...
கிளிக்.